Weeklikse Gids
Laai hier die volledige weeklikse Gids af
Sondag 18 Januarie
09:00 Erediens: Ds. Anru Liebenberg
09:00 Erediens: Ignite Kidz (2jaar—Gr 6)
17:00 Ignite – Jeugselle (Gr7-11)
18:30 Echo – Engelse diens
Maandag 19 Januarie
19:00 Selleiers vergadering
Dinsdag 20 Januarie
18:00 EK Vergadering
Woensdag 21 Januarie
09:30 Senior Bordspeletjies
Donderdag 22 Januarie
09:30 Senior Bybelstudie in die Gemeentesentrum
Lees hier hoe om ‘n skakel na die NGV web op u foon se tuisskerm te sit
Liewe Gemeente,
Daar is geen manier hoe ek die groot DANKIE wat in my hart leef, kan verwoord nie.
Die afgelope paar maande met Derick se hospitalisasie , en toe later sy afsterwe, was vir my ‘n donker tyd, maar met al die liefde en ondersteuning wat ek daagliks van hierdie kosbare gemeente ontvang het,
kon ek staande bly en nog steeds die Lig sien en ervaar.
Ek het ware omgee aan my lyf gevoel.
Baie baie dankie.
Julle is my vangnet, en sal dit dalk vir lank nog wees.
Liefde,
Marlene en kinders.
Teeskink na Eredienste:
Om saam te kuier na die erediens is vir ons ‘n belangrike deel van gemeente wees. Ons kort egter elke Sondag mense om te help dat dit kan gebeur (ongeveer 5 mense per Sondag is nodig). Indien jy en jou gesin, familie, selgroep, vriendekring wil help, kontak asb die kerkkantoor en bied jou hulp aan. Alles sal mooi verduidelik word.
NUwe Lidmate
Baie welkom aan alle besoekers. Indien jul lidmate van ons gemeente wil word, stuur asb ’n epos na ngvillieria@gmail.com of besoek die inligtingstafel na die diens. Baie welkom aan die die nuwe lidmate wie se attestate ontvang is van hul vorige Gemeente. Skakel gerus in by ons bedieninge. Is jy nuut by ons? Het jy behoefte dat iemand bietjie saam met jou kuier? Drink asb uit ‘n BLOU BEKER na die erediens, dan kan ons sien wie is lus vir ‘n geselsie.
NG Villieria Gemeentekamp (13 – 15 Maart 2026)
Kom geniet ‘n heerlike naweek saam met ons by Bush ‘n Buck Private Game Farm (90km vanaf die kerk – uit op die Beestekraal pad). Kom gee asb jou naam op by die inligtingstafel of by die kerkkantoor as jy jou plekkie wil bespreek!
Program: Vrydag is almal rustig op hul eie. Saterdag oggend het ons ‘n lekker ken-mekaar geleentheid, en braai as Gemeente saam die Saterdag aand (vure, brode en slaaie word verskaf, almal bring hul eie vleis, drinkgoed en eetgerei). Sondag oggend hou ons ‘n buitelug kerkdiens voor almal weer vertrek huistoe. Die res van die naweek kuier almal saam met hul gesinne / vriende en nuwe kennisse. Die kostes hier onder is vir die naweek se verblyf.
· Kampeer / Karavaan (Gedeelde Ablusies) = R1 350 (5 mense per staanplek)
Los kamer (slaap 2 – Dubbelbed, Deel ablusie met ander kamers) = R1 450
Die volle bedrag moet asb teen einde Januarie 2026 betaal wees. Betaal asb in die Kerk se rekening, maar ONTHOU om jou naam en “Kamp” as verwysing op te sit!
(epos bewys van betaling aan ngvillieria@gmail.com)
Bybelskool
Ons volg E-kerk van Prof. Stephan Joubert se “Bybelskool” – eUni. eUni is vir gewone mense, wat ‘n buitengewone passie het om die Bybel beter te verstaan. eUni is ‘n aanlynonderrigplaorm, wat uit ‘n verskeidenheid modules bestaan, wat deelnemers toelaat om teen hul eie tempo te leer. KWARTAAL 1 se tema is: Op reis deur die Johannes Evangelie eUni kos R200 p/p per kwartaal as ons as ’n groep inskryf. (Normale prys is R400 p/p)
Dit bestaan uit 4 seminare wat elk 4 sessies bevat. (Meer inligting op E-kerk se webblad.) Betaal in die gemeente se rekening met verwysing Bskool + jou naam. NG Villieria. ABSA Tjekrekening 50580660. Tak 632005.
Jy kan op jou eie of as deel van die groep na die video’s kyk.
Die groep kom Donderdagaande 18:30 bymekaar. Ons begin 5 Feb om 18:30. Elke 2de week. Die skakel vir die kwartaal se video’s sal dan beskikbaar gemaak word. Vir enige navrae skakel met Ds. Anru Liebenberg 083 469 6783