Sondag 16 Augustus
09:00 Erediens: Ds Surina van der Berg
Intreepreek
09:00 Ignite Kidz – In die saal.
17:00 Ignite Jeugselle (Gr7-11)
18:30 Echo – diens
Woensdag 19 Augustus – 09:30 – Senior Bordspeletjies.
Donderdag 20 Augustus – 09:30 – Senior Bybelstudie
Verwelkoming
Ons is opgewonde daaroor dat Ds. Surina van der Berg DV word op 1 Augustus formeel deel van ons leraarspan. Sondag 16 Augustus is haar intreepreek, en na afloop van die diens gaan ons lekker saam met haar en haar gesin kuier! Om haar (en mekaar) te help om die Gemeente te leer ken, het ons besluit om vir die duur van ons reeks (16 Augustus—20 September) naamkaartjies te dra.
Huis 2 – Jakaranda Kinderhuis
NG Villieria is verantwoordelik vir huis 2 by Jakaranda kinderhuis. In die huis is 12 dogters tussen 3 en 8 jaar oud wat tans daar woon. Daar is asb dringende behoee aan die volgende items: Toiletpapier, badseep, ontbytpap, vleis, skoonmaakmiddels, soppoeier, brood, langlewe melk ens… Enige skenkings kan kerkkantoor toe gebring word, en enige finansiële bydraes. kan in die kerk se rekening betaal word, sit ASB “kinderhuis”as verwysing op.
Lees hier hoe om ‘n skakel na die NGV web op u foon se tuisskerm te sit
40 Dae Reeks skop Sondag 16 Augustus af!
Asemhaalruimte
As Jesus praat van ‘n lewe in oorvloed, hoekom voel dit soms vir ons dat so ‘n lewe net binne ons bereik is wanneer ons vakansie hou? Tydens ons reeks genaamd ‘Asemhaalruimte’ wil ons mekaar help om asem te haal… elke dag. Ons selgroepe neem die ‘asemhaal’ gesprekke verder. As jy vir die duur van die reeks by ‘n selgroep wil inskakel, kontak Kymie (by inligingstafel na die erediens of whatsapp 072 746 1993) of een van die leraars.
NUWE lIDMATE:
Baie welkom aan alle besoekers. Indien jul lidmate van ons gemeente wil word, stuur asb ’n epos na ngvillieria@gmail.com of besoek die inligtingstafel na die diens
Bybels
Daar is gratis Bybels in die ingangsportale vd kerk beskikbaar. Neem gerus een en gee dit aan iemand wat soek. Bring asb ook jou “ekstra” Bybels wat jy wil skenk en sit dit daar neer.
Na verlde jaar se suksesvolle Pik-en-Proe-geleentheid, het ons besluit om dit weer te doen hierdie jaar, as deel van ons Lentefeesvieringe. Die tema is “Island-hopping” om die Wêreld. (spanne van 6+ mense kan inskryf). Elke span maak sy stalletjie volgens die tema op, en bedien slegs een dis / drankie van daardie spesifieke eiland / land. Sodra die spanne bevestig is, sal die rëelings deurgegee word. Elke span kry ’n begrootte bedrag sodat dit nie jou sak ruk nie. Kaartjies sal beskikbaar wees vanaf 23 Augustus ( 17:00–21:00) teen R100 pp (kinders onder 10 is gratis). Kry jou vriende, familie, selgroep ens bymekaar en kom skryf GRATIS in vir hierdie lekker gesellige dag! Kontak gerus vir die kerkkantoor of vir Floris om meer uit te vind… HOU DIE SPASIE DOP VIR MEER INLIGTING!